Су коену кагыйдәләре

• Дөрес вакытны сайла. Су керү өчен тәүлекнең иң кулай сәгатьләре: иртәнге 8-10 арасында, кичен 17-19 сәгатьләрдә.
• Ашаганнан соң 1-1,5 сәгать узгач кына коен. Шулай ук, ач карынга да суга керү киңәш ителми.
• Коену алдыннан ял итегез. Кызган килеш суга кермәү яхшырак.
• Ярдан ерак йөзеп китмәгез. Һәм кисәтү билгеләрен узып, эчкәрәк керергә ярамый.
• Махсус рөхсәт ителгән һәм җиһазландырылган урыннарда гына су коеныгыз. Таныш булмаган сулыкларда коеныр алдыннан, төбен тикшерегез.
• Ялгызыгыз гына йөзмәгез. Бигрәк тә үз көчегезгә ышанмасагыз.
• Батам, дип, ялган фаҗига сигналлары бирмәгез.
• Балаларны, хәтта бик сай урында да, күз уңыннан ычкындырмагыз. Чөнки алар уйнаганда егылып, тончыгырга мөмкин.
• Алкоголь эчкән килеш, суга кермәгез.
• Кечкенә балалар бары тик олылар яки зуррак абый-апалары күзәтүе астында гына коенырга тиеш.

Фото: Чулпан Гыйсмәтуллина, «ЯҮ»