Иң яхшы әзерләү ысулы – пешерү, кайнату һәм парда тоту

Фото: ясалма интеллект

Сәламәт туклану – организмның нормаль эшчәнлеген тәэмин итү, сәламәтлекне саклау, төрле авыруларны кисәтү һәм актив озын гомер өчен нигез булып тора. Белгечләр туклану рационының калориялелеген контрольдә тоту сәламәт яшәү рәвешенә тугрылыкны арттыруын билгеләп үтә.

Рационда энергия балансының саклануы симерүне профилактикалауда төп шартларның берсе булып санала. Чөнки ризык – кеше өчен энергия һәм кирәкле туклыклы матдәләр чыганагы. Калория – организмга азык белән кергән энергияне үлчәү берәмлеге.

Сәламәтлекне саклау һәм тән авырлыгын нормаль дәрәҗәдә тоту өчен, туклану рационының калориялелеге физик һәм хәрәкәт активлыгына туры килергә тиеш. Шуңа күрә калорияләрне исәпләгәндә һәр кешегә аерым якын килү мөһим: җенес, яшь, физик активлык дәрәҗәсе һәм тән массасы исәпкә алынырга тиеш.

Калориялелекне контрольдә тотуны җиңеләйтү өчен, белгечләр рационнан тирән эшкәртелгән продуктларны мөмкин кадәр киметергә киңәш итә. Алар составында еш кына туендырылган һәм транс-майлар, артык тоз һәм өстәлгән шикәр күп була. Мондый ризыкларга кондитер эшләнмәләре, колбаса һәм ит продуктлары, балык деликатеслары, әче-төче закускалар, татлы газлы эчемлекләр, алкоголь һәм төрле соуслар керә.

Аш-суның туклыклы кыйммәтен саклап калу өчен иң яхшы әзерләү ысуллары – пешереп алу, кайнату һәм парда пешерү.

Белгечләр калорияләрне исәпләп, акыллы туклану принципларын үтәү сәламәтлекне ныгытырга, артык авырлык җыюдан сакланырга һәм гомер озынлыгын арттырырга ярдәм итә, дип ассызыклый.

Валерия Феоктистова,

Яшел Үзән медицина профилактикасы үзәгенең халыкка гигиена тәрбиясе бирү табибы.