Зөлфирә Шәйдуллина: «Мин үземнең ике бала әнисе булганлыгымны әле икенче көнне генә аңладым»

— Зөлфирә, икенче сабыегыз тугач, ниләр кичердең?
— Беренче тапкыр бала тудыру йортына барганда, берни дә аңламыйсың бит ул. Миндә курку хисе дә булмады. Икенче тапкыр инде кая барганымны аңлап килдем. Ничектер бераз курыктым да. Гүзәлебез бераз көттеребрәк, 41 нче атнадан туды. Озакка киткәч, бераз борчылдым да. Аллага шөкер, барысы да әйбәт. Ходай безгә сау-сәламәт бала насыйп итте. Шулкадәр назлы, шулкадәр рәхәт. Мин үземнең ике бала әнисе булганлыгымны әле икенче көнне генә аңладым. Баламны кулыма алып: «Мин тагын әни булдым бит», – дип шаккаттым. Беренче вакытта балама карыйм да елыйм, карыйм да елыйм, күңелем тула. Менә шундый хисләр булды.

«Ватаным Татарстан»