Илсөя Бәдретдинова: «Сәхнәдән китәр вакытыбыз җитә»
Татарстанның атказанган артисты Илсөя Бәдретдинова ТНВ каналында дөнья күрә торган «Сөйләшергә вакыт» тапшыруында сәхнәдән китәр вакытлары җитүе турында әйткән.
– Күп коллегаларым килешмәс тә минем белән. Бүгенге көндә безнең дә, концертларга зал тутырып йөри торган артистларның, сәхнәдән китәр вакытыбыз җитә. Кеше күпме генә сикерсә дә, үзеннән биегрәк сикерә алмый. Ул һаман шундый. Әйе, безнең иҗатны ярата торган кешеләр калачак. Бөтен табигать кануннары буенча, эстрадага яшьләр килергә тиеш. Бу — нормаль күренеш. Монда бер-береңә аяк чалулар урынсыз, чөнки аның мәгънәсе юк, ул барыбер шулай булачак. Безгә кадәр дә күп җырчылар булган, бездән соң да булмый калмый. Яшьләргә шатланам гына», — дигән Илсөя Бәдретдинова.
Чыганак: Ватаным Татарстан https://vatantat.ru/2025/10/185585/
Фото: Ильсия Бадретдинова вк төркеменнән алынды
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев