«Майский» теплицалар комбинаты» генераль директорының 9 Май бәйрәме белән котлавы

9 Май – безгә тынычлык һәм азатлык бүләк иткән, фронтта һәм тылда көрәшкән, сугыштан соңгы авыр елларда илебезне торгызган һәркемгә рәхмәтебезне җиткерү көне. Дистә еллар уза, буыннар алмашына, әмма Бөек Җиңү, халкыбызның милли горурлыгы, хәрби даны һәм батырлыгы символы буларак, безнең йөрәкләрдә кала.

1941-1945 елларда безнең ата-бабаларыбыз бәйсезлек яулап, чиста күк йөзе астында яшәргә, туган җирне эшкәртергә һәм күкрәкләрне тутырып сулыш алырга мөмкинлек биргән. Без аларның тиңдәшсез батырлыгын хөрмәт итәбез. Һәм безгә җиңүчеләр буынының лаеклы варисы булу мөһим. Туган җиребезне саклыйк, бердәм булыйк.

Бүген, Ватаныбыз өчен катлаулы вакытта, без тынычлыкны бәялибез һәм аның бик тиз уалучан булуын күрәбез. Махсус хәрби операциядә бурычларын үтәүче якташларыбыз, кайчандыр бабайлары кебек, илебезнең азатлыгын һәм бәйсезлеген яклый, аларның батырлыгын кабатлый. Һәм Җиңү безнеке булачагына бернинди шик юк!

Сезгә, туганнарыгызга һәм якыннарыгызга чын күңелдән нык сәламәтлек һәм иминлек, озын һәм тыныч гомер, баш өстендә тыныч күк йөзе, бәхет һәм илебезнең якты киләчәгенә бетмәс-төкәнмәс ышаныч телим!

Руслан Ганиев,
И.Г.Ганиев исемендәге «Майский» теплицалар комбинаты» генераль директоры

Реклама хокукында