Җеннәрдән (шайтаннардан) киртә булучы сүзләр
Әнәс (Аллаһ аннан разый булсын) тапшырган хәдистән Пәйгамбәребез Мөхәммәднең ﷺ (аңа Аллаһның салават-сәламнәре булсын) болай диеп әйтүе мәгълүм:
Фото: ясалма интеллект
«Мөселман кеше киемен салганда, ошбу сүзләрне әйтсә, алар шул Адәм баласы белән җеннәр арасында киртә (пәрдә) булырлар:
بِسْمِ اللّٰهِ الَّذِيْ لآ إِلٰهَ إِلَّا هُوَ الرَّحْمٰنُ الرَّحِيمُ
[Бисми-Лләәһи-л-ләҙий ләәәә иләәһә илләә Һү-үә - р-Рахмәәнү-р-Рахиим]
«Аннан башка [гыйбадәткә лаек] һичбер илаһ (зат) булмаган Рәхимле һәм Шәфкатьле Аллаһ исеме белән»
(«Әл-Хәшер / Җыен» сүрәсе, 22-нче аятьтән өзек, Әбү Дауд, Әт-Тирмизи).
Кеше янында фәрештәләр һәм җеннәр/шайтаннар булуы билгеле. Соңгылары исә кешегә зыян китерергә мөмкин. Фәрештәләр кешеләрнең гаурәтләренә карамыйлар, ә шайтаннар, киресенчә, карарга бик ярата.
Әлеге доганы кием салганда (өсне алыштырганда, коенганда – гаурәтне ачканчы, ванна бүлмәсенә/мунчага кергәнче) кеше белән шайтан арасында күз тиюдән киртә булдыру өчен 3 тапкыр укырга киңәш ителә.
Көндәлек тормышта укыла торган догалар төркеменнән
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев