Карт аксакал һәркем өчен тынычландыру, ярдәм итү сүзләре тапкан. Бер егет аңардан үзен укучылыкка алуын үтенгән. Карт ризалашкан. Берникадәр вакыттан соң шәкерт аптырап, сораган:
– Син уңышы начар булганга зарланган крәстиянне әнисе янына юлладың. Ире белән ызгышкан хатынга да әнисе янына барырга киңәш иттең. Кемгәдер үпкәләгән хатын-кызга да, үпкәләтүче белән аңлашырга әниең булышыр, дидең. Әллә сине зирәклегең ташлап киттеме?
– Күп кешегә, аны кызганып, жәлләп тыңлаучы гына кирәк. Әмма, бернинди зирәклектә дә ана йөрәгендәге кадәр теләктәшлек, аңлау, хәлгә керү, шәфкать кебек хисләр юк. Әни ул – безнең барлык борчуларны саклаучы банк, – дип елмаеп җавап биргән аксакал.
Нет комментариев