7 – 13 апрельдә ашыгыч медицина ярдәме күрсәтү хезмәте 957 чакыру кабул итеп алган.
Шуларның 593е – шәһәрдән, 364е районнан булган. 528 кешене госпитализацияләгәннәр: 343е – шәһәрдән, 185е – районнан.
Медикларны Чапаев урамында билгесез шартларда башы һәм күкрәге җәрәхәтләнгән 43 яшьлек исерек ир янына чакырганнар. Зыян күрүче хастаханәнең хирургия бүлегенә китерелгән.
Комсомольская урамында кер юу порошогы эчеп агуланган 2 яшьлек бала янына чакыру алынган. Аны балалар хастаханәсенә китергәннәр.
Фрунзе урамында аягын хуҗасыз эт тешләгән 18 яшьлек егеткә ярдәм күрсәтелгән. Аны травматология бүлегенә китергәннәр.
Нет комментариев