Эштә тәмәке тартыңмы, штраф чәпәргә мөмкиннәр

Россиядәге күп кенә оешмалар хезмәткәрләрен тәмәке тарткан өчен штрафка тартарга, ә бәдрәфләрдә төтен детекторлары куярга мөмкин. Эш вакытында тәмәке тартуга каршы көрәш өчен тиешле тәкъдимнәрне РФ Сәламәтлек саклау министрлыгы таратты. 

Тәмәке тарту өчен махсус җиһазландырылган урыннарны оешма территориясеннән читтә урнаштырырга, ә бина эчендә тәмәке тартуның зыянлыгы турында мәгълүмат стендлары урнаштырырга тәкъдим ителә. Оешма исә тәмәке тартуын ташлаган хезмәткәрләренә карата кызыксындыру чаралары күрә ала.