Татарстаннан яңа Россия Герое – Яшел Үзән егете Семен Николаев – районыбыз горурлыгы

Семен Николаев «Россия» телеканалында Владимир Соловьевка биргән интервьюсында сөй­ләгәннәргә караганда, алар алдына гади бурыч куелмый: дошманны юк итү өчен поселокка керергә кирәк була. Аның сугышчыларының төгәл тактикасы һәм килешеп эшләве нәтиҗәсендә, операция тиз уза. Бригада танкка каршы миналарны дошман яшеренгән урыннарга ыргыту кебек яңа ысуллар куллана, бу исә ныгытмаларны җимерергә ярдәм итә.

Россия Герое Казан Суворов училищесын тәмамлаган һәм 2005 елдан бирле хәрби хезмәттә булган. Ул Сириядәге хәрби операциядә катнаша һәм 2022 елның декабреннән Көньяк Донецк юнәлешендә хезмәт итә.

Зеленодольск районы башлыгы Михаил Афанасьев быел март аенда Семен Николаев хезмәт иткән урында булуын билгеләп үтте. «Без хезмәттәшләребез белән МХО зонасына бардык, сугышчыларыбызга гуманитар йөк алып бардык. Волновахада ул вакытта әле 5нче аерым танк бригадасы командиры булган Семен Николаев белән очраштык. Бүләкләр тапшырдым, шевроннар белән ал­ма­шын­дык, бергә ашадык. Сугышчыларга махсус хәрби операция зонасында гына түгел, аларның гаиләләре белән эшләү мәсьәләләре буенча да фикер алыштык», – дип сөйли шәһәр мэры.

Аның сүзләренә караганда, Николаевның Яшел Үзәндә әнисе яши, ерак булуга карамастан, Семен аның турында кайгырта.

«Без аның әнисенә, яшен исәпкә алып, медицина ярдәме күрсәтелүне контрольгә алдык. Шулай ук, республика шифаханәләренең берсендә шифаханә-курорт дәвалануын тәэмин итү планлаштырыла», — диде ул.