Замирә Рәҗәпова: “Йөклелек – дөньяга игълан итә торган яңалык түгел”

Үзе ул бу хакта ачылып сөйләми. Шулай да безнең үте-неч буенча, Замирә эксклюзив рәвештә “ШК”га серен ачарга булды.

“Йөклелек – рәсми рәвештә дөньяга игълан итә торган яңалык түгел ул. Үзем дә, ирем дә моңа каршы. Ләкин эчем түгәрәкләнә башлаганны күпләр сизеп алды. Йөклелек чорының яртысын уздым. Үземне яхшы хис итәм, Аллага шөкер. Ләкин Инстаграмдагы сәхифәмне күзәтеп баручы табибым эшләргә рөхсәт итми, шелтәли. Үзең беләсең, Аяз белән дә ахыргача эшләп йөрдем. Данил белән дә бала тудыру йортына сәхнәдән киттем. Бу юлы мөмкин кадәр сакланырга тырышам. Нигездә эшебез онлайн форматта бара”, - диде безгә Замирә.

Кызмы, малаймы икәне әлегә билгеле түгел, ди ул. “Кыз булыр кебек. Тик кем булса да, исән-имин тусын”, - ди бәхетле әни.