2025 елның ун ае нәтиҗәләре буенча Татарстанның 26 районында балалар туу саны кимүе, ә 14 районда киресенчә үсеш күзәтелә.
Фото: © Владимир Васильев / «Татар-информ»
Бу хакта бүген ТР хезмәт, мәшгульлек һәм социаль яклау министры Эльмира Зарипова Казандагы ведомство коллегиясенең йомгаклау утырышында хәбәр итте.
"Безнең министрлык өчен төп күрсәткеч - "Гаилә" милли проекты, аның төп күрсәткече - туучылар санының суммар коэффициенты. Туучылар саны Мөслим, Яңа Чишмә, Әлки, Зәй, Азнакай, Апас, Кукмара районнарында кими. Шул ук вакытта туулар саны 14 районда арткан - Балык Бистәсе, Мамадыш, Баулы, Кайбыч, Сарман, Менделеевск, Минзәлә, Лаеш районнары», – дип сөйләде ул.
Иң кызыклы тәҗрибәләр арасында Зарипова йөклелек алып баруны, бүләкләр һәм акчалата сертификатлар тапшыруны атады. Мисал өчен, Буада яшь гаилә клубы эшли, анда яшь һәм булачак әти-әниләр генә түгел, парлар да таныша.
Татар-информ
Нет комментариев