Хатын-кыз эчкәннән дә яманы юк

Берничә тапкыр Яшел Үзән базарына җиләк сатарга бардым. Сүз дә юк, быел җиләк бик кыйммәт. Һәм сатып алучыларның да төрлесе бар. Күпләр җиләк-җимешне акчалы, баераклар гына ала дип уйлый торгандыр. Менә миннән бер олы яшьтәге апа сатып алды. «Оныкларымны сыйлыйм, бер көн – олысын, икенче көнне кечесен чакырам. Бик жәллим үзләрен, чөнки әниләре эчә, әйткәнне һич кенә дә тыңламый. Азрак булса да витамин ашап калсыннар иде», – дип күңелен бушатты ул. Уйга калдым. Без бакчада үскән нигъмәтне дә куллана белмибез инде. Аннан, ни кызганыч, авыр язмышлы кешеләр дә арабызда бихисап. Аллаһ кына сакласын, хатын-кыз эчкәннән дә яманы юк.

«Әйтәм әле» рубрикасына килеп ирешкән хәбәр.

Кадерле укучыларыбыз! Сез дә, борчыган проблемаларыгыз турында 5-68-03 телефонына шалтыратып, редакциябез хезмәткәрләре белән бүлешә аласыз.