Татарстанлылар мобилизацияләнгәннәргә һәм аларның гаиләләре өчен 3 млн сумнан артык акча күчергән

Бу хакта «Ярдәм янәшә!» республика хәрәкәтенең җаваплы координаторы Тимур Сафин Татарстан Республикасы Министрлар Кабинетында узган брифингта хәбәр итте.

«Татарстанлылар махсус хәрәкәт счетларына акча күчерә. Иҗтимагый берләшмәләр һәм эшмәкәрләр белән берлектә республиканың шәһәр һәм районнарында мобилизацияләнгән гражданнар һәм аларның гаилә әгъзалары өчен гуманитар ярдәм җыю оештырылды», – дип сөйләде спикер.

Аерым алганда, Сафин сүзләренчә, кирәкле әйберләр: азык-төлек продуктлары, медикаментлар, кием-салым һәм төрле кирәк-яраклар запасы формалаша. «Әлеге позицияләр мобилизацияләнгән гражданнарга һәм аларның гаиләләренә, шулай ук Донбасста яшәүчеләргә ярдәм кирәк булганда формалаша һәм тотыла. Гуманитар ярдәм запас принципы буенча җыела", -