Татарстанда атна ахырына кадәр җылы һава торышы сакланачак, яңгырлар булуы ихтимал

Кич – +9-14, көндез +21-26 градуска кадәр җылытачак.

Чәршәмбе, 21 августта, республикада янә кыска вакытлы яңгырлар көтелә: төнлә барлык районнарда, көндез – көнчыгышта.Термометр баганалары төнлә – +12-17, көндез +19-24 градус күрсәтәчәк.

Пәнҗешәмбе һәм җомга, 22 һәм 23нче август көннәрендә, Татарстанда һава торышын көнбатыштан килгән антициклон билгеләячәк. Димәк, явым-төшемнең ихтималы зур түгел. Төнлә һәм иртән кайбер урыннарда томан булуы мөмкин. Төнлә һава температурасы +8дән алып 13 градуска кадәр генә җылыначак, көндез +19-25 градус булачак.

Метеорологларның беренчел мәгълүматларына караганда, шимбә, 24 августта, республикага төньяк-көнбатыш циклонның атмосфера фронты килә. Шушы ук циклон Татарстанда якшәмбе көнне дә сакланачак. Кыска вакытлы яңгырлар явачак. Көндез термометр баганалары +19, +24 градуска кадәр күтәреләчәк.