Татарстанда 30дан артыграк әбине үтергән маньякка хөкем карары чыгарганнар

Татарстан Югары суды әбиләрне буып үтерүче Радик Таһировка карата хөкем карары чыгарган, дип яза “Татар-информ”.

Маньяк 30дан артыграк өлкән яшьтәге хатын-кызны үтерүдә, 2 тапкыр үтерү омтылышында, моннан тыш 30дан артыграк талау очрагында гаепле дип танылган. “Гаепле булуын танып, гомерлек төрмә рәвешендә җәза чарасы билгеләргә”, – дигән судья.

“Таһиров башта 10 елны – төрмәдә, гомеренең калган өлешен – махсус режимдагы төзәтү колониясендә үткәрәчәк. Моннан тыш ул зыян күрүчеләргә 1,5 миллион сумнан артыграк күләмдә акча түләргә тиеш булачак.

Чыганак: Ватаным Татарстан