Нинди генә булса да, әни-әни инде ул (тормыштан)

Әниләрен исәпләми яшәүче гаиләләр турында укыдым да, безнең авылда гына түгел икән андый җүнсезләр дип, уйлап куйдым. Авылның исемен әйтеп тормыйм инде сезгә, тик улы да, килене дә динлеләр, бик культурный кешеләр. Ана рәнҗешеннән дә курыкмыйлар, ичмасам. Шулай ук, аерылышкан гаиләләрдә әнидән баш тартып, әтисен хуплаучы балалар турында да беләм. 9 ай күкрәк астында йөртеп, төн йокламый үстергән, тәрбияләгән, белем биргән ана кеше бервакыт бөтенләй ят кешегә әверелсен әле! Нинди генә булса да, әни-әни инде ул. Әнә, интернет челтәрләрендә бу хакта видеолар бик күп, эчкече аналарын яклаучы сабыйларны күреп, күзләр яшьләнә. Нинди генә булса да, иң якын кешеләрен бернигә алыштырмыйлар. Без – өлкән кешеләрнең әллә ни эш юк бит инде хәзер, менә шундый җан өшеткеч хәлләр турында башка килә дә, сүзсез калам. Бу бит сериалларда күрсәтелгән тормыш вакыйгалары түгел, ә – чынбарлык.

«Әйтәм әле» рубрикасына килеп ирешкән хәбәр.

Кадерле укучыларыбыз! Сез дә, борчыган проблемаларыгыз турында 5-68-03 телефонына шалтыратып, редакциябез хезмәткәрләре белән бүлешә аласыз.