Көтелмәгән хәбәр... Район башлыгы китә

Бүген Евгений Варакинның ЛХРдан кайтуы билгеле булды, ул Татарстанның Югары Ослан районын җитәкләячәк. Бу хакта Татарстан Республикасы Министрлар Кабинетында узган утырышта Рәис хәбәр итте.

Районның элеккеге башлыгы Марат Зиатдинов Дәүләт сатып алулар комитетына эшкә күчереләчәк.

Соңгы ике ел дәверендә Евгений Варакин Лисичанск һәм Рубежный фронт яны шәһәрләрен торгызу эшен җитәкләде. Аның җитәкчелегендә су белән тәэмин итүдә, җылыту системаларын актив торгызуда эшләр алып барылды, Лисичанск һәм Рубежный халкының күп кенә йортларына электр уты кайтарылды.

Бүген Татарстан Республикасы Президенты Рөстәм Миңнеханов Евгений Варакинны “Дуслык” ордены белән бүләкләде.

Евгений Варакин Фото:Михаил Захаров / «Татар-информ»