Яшел Үзәнлеләргә алай ук кылану килешми...

Яшел Үзәндә узган мөселман фес­тивалендә булырга туры килде. Беренче тапкыр гына үткәрелүгә карамастан, бик яхшы оештырганнар иде. Мастер-классларда үзем дә катнаштым, соңыннан чәй белән дә сыйладылар. Шулчакта бер күренешкә тап булдым: өчпочмак һәм башка камыр ризыклары чыгаргач, өлкән яшьтәге апаларның кайберләре ябырылып, берне генә түгел, ә әллә ничәне алып, сумкасына сала башлады. Әйтерсең лә, үз гомерләрендә беренче тапкыр ризык күргәннәр. Алар өчен миңа оят булды. Бушлай дигәч тә инде... Алай ук кыланырга кирәкми.

«Әйтәм әле» рубрикасына килеп ирешкән хәбәр.

Кадерле укучыларыбыз! Сез дә, борчыган проблемаларыгыз турында 5-68-03 телефонына шалтыратып, редакциябез хезмәткәрләре белән бүлешә аласыз.