Яшел Үзәндә шторм вакытында 11 кешене коткарган Павел Матвеевны бүләкләделәр

Шторм 2023 елның 29 июлендә була. Ул вакытта Павелга - коткару отрядының ирекле вәкиленә - Россия Гадәттән тыш хәлләр министрлыгының ТР буенча ЮХИДИ үзәгенең Яшел Үзән инспекторлык бүлеге башлыгы Сергей Евсеев шалтырата. Ул Свияжсктан ерак түгел бәлага тарыган кешеләргә ярдәм сорый. Вәзгыять көчле җил һәм гаять зур дулкыннар белән катлауландырыла.

Бәхетсезлеккә балалы гаиләләр юлыкканын ишеткәч, Павел, ярдәмгә ташлана. Өстәвенә, һәлакәт урынына ул коткаручылардан тизрәк барып җитә. Башта кыю татарстанлы гидроциклда дүрт кешенең гаиләсен коткара - барысын да исән һәм сәламәт килеш ярга алып килә. Шуннан соң Павел шторм вакытында көймәсе әйләнгән тагын җиде кешегә ярдәм итә.

- Мин һәрвакыт Гадәттән тыш хәлләр министрлыгында эшләргә теләдем, ләкин мине армиядә хезмәт итмәгән һәм профильле белемем булмау аркасында алмадылар. Хәзер исә, мин кешеләргә йөрәк кушуы буенча булышам, - дип сөйләде Павел.