Дүрт айлык баланы үле килеш тапканнар

Кичә, 3 июль көнне, Санкт-Петербург шәһәренең бер фатирында дүр айлык кыз баланы үле килеш тапканнар. «Известия» матбугат хәбәрчеләре сүзләренчә, бала ике сәгатьтән артык күзәтүсез булган. Көчләп үтерү эзләрен тапмаганнар. Билгеләп үтелгәнчә, 30 яшьлек ана һәм 36 яшьлек әти исерек хәлдә булган.

Хатын-кызга – наркотик чаралар куллану маддәсе буенча, ир-атка карата – җәмәгать урыннарында исерек хәлдә булу турында беркетмә төзегәннәр.

Сабый үлеменең төгәл сәбәпләрен медицина белгечләре билгелиячәк.