Чаллыда танылган актер һәм телевидение алып баручысы вафат булган

77 яшендә озак вакытлы авырудан соң Яр Чаллыда танылган актер һәм телевидение алып баручысы Николай Плужник вафат булган.

Ул сәхнә ветераны – "Мастеровые" театры легендасы иде.

Моннан тыш, Чаллы халкы аны шәһәрнең төп Кыш Бабае һәм җирле телеканалларның берсендә һава торышы фаразын алып баручы буларак яраткан.

Актерны бүген, 27 ноябрьдә, җирлиләр. Хушлашу мәрасименең вакыты һәм урыны турында соңрак билгеле булачак.