Бело-Безводный авылында олы яшьтәге хатын-кызның башына кирпич белән сукканнар
29 июль – 4 август көннәрендә ашыгыч медицина ярдәме күрсәтү хезмәтенә 920 чакыру килгән. Шуларның 558е – шәһәрдән, 362се районнан булган.
354 кешене госпитализацияләгәннәр: 259ы – шәһәрдән, 95е – районнан.
Новониколаевка авылында 2 метр биеклектән егылып төшеп, баш мие селкенгән, кабыргалары сынган 58 яшьлек ир-ат янына чакыру булган. Аны травматология бүлегенә китергәннәр.
Тура авылында 46 яшьлек исерек ир 3нче каттан егылып төшеп, умыртка сөяген сындырган. Зыян күрүчене медиклар травматологиягә алып килгән.
Засорин урамында кулбашын эт тешләгән 32 яшьлек хатын-кызга медиклар ярдәме таләп ителгән.
Бело-Безводный авылында күршесе кирпеч белән сугудан башы җәрәхәтләнгән 71 яшьлек исерек хатын-кызга ярдәм күрсәтелгән.
Сәйдәшев урамында күкрәгенә күршесе пычак кадаган 60 яшьлек ир янына медиклар чакыртылган.
Следите за самым важным и интересным в Telegram-каналеТатмедиа
Нет комментариев