Александр Филиппов «А.М.Горький исемендәге Яшел Үзән заводы» АҖнең коллективы исеменнән шәһәр халкын, кунакларны һәм ветераннарны котлады

«А.М.Горький исемендәге Яшел Үзән заводы» АҖнең меңнәрчә кешелек коллективы исеменнән сезне Татарстан Республикасы һәм Яшел Үзән шәһәре көне белән чын күңелдән котлыйбыз!
Дәүләтчелегебезнең яшь булуына карамастан, ул югары патриотизм һәм ныклык, бердәмлек һәм уртак җиңүләр, сакраль традицияләр һәм кыйммәтләр үрнәкләре белән тулы бай тарихка таяна. Татарстан халкы бу тарихны кадерләп саклый, яңа казанышларны аның елъязмасына кертә. Һәм бүген Республика – Россия Федерациясенең терәк төбәкләренең берсе, көчле һәм динамик рәвештә үсүче өлкә, ул хаклы рәвештә икътисади, сәнәгать, социаль һәм мәдәни үсештәге казанышлары белән горурлана. Бу уңышлар артында патриотлык, хезмәт сөючәнлек, толерантлык, Татарстан халкының һәм җитәкчелегенең эшлекле һәм иҗади инициативасы тора.
Идел буендагы кечкенә Зеленодольск шәһәре – Татарстан тарихында мөһим звено булып тора, ул республиканы чит илләрдә дә данлый.

125 елдан артык биредә, «А.М.Горький исемендәге Яшел Үзән заводы» АҖендә хәрби кораблар һәм гражданлык суднолары төзиләр.
А.М.Горький исемендәге Яшел Үзән заводына Парат суднолар ремонтлау остаханәләре базасында нигез салына, аларның төп бурычы техник флотны ремонтлау була. Завод, ә аның белән бергә кечкенә генә Паратский затоны (Паратск) бистәсе, ә 1928 елдан – Яшел Үзән эшчеләр бистәсе үсеш алган. Суднолар ремонтлау остаханәләреннән зур суднолар төзү предприятиесе үсеп чыккан, ә кечкенә эшчеләр бистәсе Яшел Үзән шәһәре итеп үзгәртелгән.
Горькийлылар тырыш хезмәт белән генә чикләнмичә, туган шәһәрләрен дә үстерде. Төбәк хөкүмәтенең даими ярдәме белән завод хезмәткәрләре шәһәрдә юллар, торак йортлар, хастаханәләр, балалар бакчалары, беренче стадион, беренче мәдәният йорты һ.б. төзегән.

Суднолар төзү предприятиесенең шәһәр һәм республика үсешенә керткән өлеше бүген дә югары. Завод, төп салым түләүче буларак, шәһәр хуҗалыгы эшчәнлегенә, социаль өлкәне яхшыр­туга һәм шәһәр халкының тормыш сыйфатын үстерүгә бәйле мөһим мәсьәләләрне хәл итүдә ярдәм итә. Горькийлылар тулаем төбәк икътисады файдасына тырышып эшләүләрен дәвам итә, ел саен җитештерү күләмнәрен һәм продукция сыйфатын арттыра, мөһим дәүләт бурычларын һәм проектларын гамәлгә ашыра.

Кадерле дуслар, шәһәребезнең, Татарстан Республикасының киләчәге, барыннан да элек, үзебездән, безнең патриотлыгыбыздан, үзара хөрмәт, ярдәм итүебездән һәм балаларыбыз тормышы өчен, тулаем илне көчле, заманча һәм уңайлы итү теләгеннән тора. Яшел Үзән матурлансын, Татарстан чәчәк атсын, ә һәр гаиләнең тормышы шатлык, игелек һәм иртәгесе көнгә ышаныч белән тулы булсын. Сезгә һәм якыннарыгызга ныклы сәламәтлек, бәхет һәм иминлек телим!
 

Александр Филиппов,
«А.М. Горький исемендәге Яшел Үзән заводы» АҖ генераль директоры
 

Реклама хокукында