Норлат авылы волонтерлар штабында эш кайный

- Бик тырышып 8 маскировка челтәрен ясап, плащлар, носилкалар тегеп киттеләр. Булдыклы, уңган, шат күңелле, тыйнак дусларыбызга зур рәхмәтебезне җиткерәбез. Алар буш кул белән түгел – егетләргә җибәрер өчен су, ашамлыклар алып килгән. Берәүләр күршедә генә яшәп тә, фронтка булышырга вакыт һәм теләк тапмый, башкалар ерак авыллардан кадәр такси белән, гуманитар ярдәм туплап килә. Әле махсус хәрби операция бетмәгән, солдатларыбыз безнең ярдәмгә мохтаҗ. Димәк, булышырга кирәк, ә читтән генә күзәтергә түгел, - дип фикере белән уртаклашты Роза Ягудина.