Бүген, 15 гыйнварда, Күгеш авылында яшәүче Фидаил Шәңгәрәй улы Вәлиев үзенең 90 яшьлек юбилеен билгеләп үтә

Хатыны Назилә ханым белән 64 ел гомер кичерәләр. Өч бала үстерәләр, бүген инде биш онык, өч оныкчыклары әби, бабай диеп өзелеп тора.

Юбилярны Яшел Үзән муниципаль районы башлыгы Михаил Афанасьев исеменнән Күгеш авыл җирлеге башлыгы Альберт Гатауллин котлады.

Нык сәламәтлек, күтәренке кәеф, оптимизм һәм тагын озак еллар тигезлектә, муллыкта яшәүләрен теләде.

Шушы матур теләкләргә без дә кушылабыз. Юбилеегыз котлы булсын!