Гаеп дуңгызда гына булмаган: абзарда табылган кыз мәетенә кагылышлы яңа факт билгеле булды

Башта аны ана дуңгыз аяктан еккан, соңыннан калган дуңгызлар гәүдәне өзгәләп бетергән, дигән фараз чыкты.

Тикшерүчеләр кызның егылганда башы белән бәрелеп аңын югалтуын, ә ул аңсыз яткан вакытта аңа башка дуңгызлар ташлануы турында да фаразларын белдерде. Дуңгызлар кызның сул аягындагы бот артериясен өзгән, шуннан соң ул күп кан югалтудан үлгән, дигән мәгълүмат та бар.

Ә хәзер тикшерүчеләр кыз үлеменә сәбәпче булган кешене эзләп тапкан.

Гаепләнүче ир-ат күрше йортта яши. Тикшерү комитетында фаразлауларынча, ул күршеләренең терлекләрен юк итәргә дип аларның абзарына кергән. Шунда дуңгызларны ашаткан кызны күреп ала. Ир-ат аның башына суга һәм чыгып китә.

Кыз бала шунда аңын югалта, шуннан соң аңа хайваннар ябырыла. Теге ир-атны тоткарлаганнар. Күршеләре сүзләренчә, 40 яшьлек ир-ат бик агрессив, моңа кадәр дә абыйсын үтергән өчен утырып чыккан булган.

Интертат