Татарстанда ишегалдының иң яхшы кышкы бизәлешенә бәйге игълан ителде

«Татар-информ» мәгълүмат агентлыгы ишегалды территорияләренең иң яхшы кышкы бизәлешенә «Ә безнең ишегалдында — 2026» бәйгесе башлануы турында игълан итте. Конкурста катнашуга Татарстанда яшәүчеләр чакырыла — шәхси йортлар да, күпфатирлы йортлар да.

Бәйгенең максаты — халыкның иҗади инициативасын хуплау, күршелекне үстерү, бәйрәмчә кышкы атмосфера булдыру һәм ишегалларын бизәүдә оригиналь идеяләрне хуплау.

Конкурста катнашу өчен бәйрәмчә бизәлгән ишегалдының фотосурәтләрен һәм/яки видеоролигын ясарга; бизәлешне тасвирлап кыскача комментарий әзерләргә; торак пунктны һәм районны күрсәтергә кирәк.

Конкурс материалларын «ВКонтакте» социаль челтәрендәге шәхси биттә #аунасводворе2026 хештегы белән урнаштырырга кирәк. Катнашучының бите конкурс уздыру чорына ачык булырга тиеш. Бер катнашучы бер эш бирә ала.

Гаризалар 2026 елның 20 гыйнварыннан 25 гыйнварына кадәр кабул ителәчәк.

Тавыш бирү ике этапта «Татар-информ» сайтында узачак.

Беренче этап 28 гыйнвардан 1 февральгә кадәр узачак, аның нәтиҗәләре буенча финалга иң күп тавыш җыйган 10 катнашучы чыгачак. Тавыш бирүнең икенче этабы 3 февральдән 8 февральгә кадәр узачак, анда конкурсның өч җиңүчесе билгеләнәчәк.

Конкурска 2026 елның 10 февралендә йомгак ясалачак. Җиңүчеләр акчалата бүләкләр алачак, ә нәтиҗәләр турында мәгълүмат «Татар-информ» агентлыгының сайтында һәм социаль челтәрләрендә бастырылып чыгарылачак.

Фото: «Татар-информ», Салават Камалетдинов

Тулырак: https://tatar-inform. tatar/news/tatarstanda-isegaldynyn-in-yaxsy-kysky-bizalesena-baige-iglan-itelde-5917563