«Без белгән иң якты, игелекле һәм ихлас кешеләрнең берсе иде...» Ришат Төхвәтуллин кайгылы хәбәр җиткерде

«Азаматның якты истәлегенә…

Бүген безнең йөрәк әрнүдән өзелә – тормыштан хезмәттәшебез, дустыбыз һәм талантлы биюче Азамат китте. Күптән түгел ул өенә, Бураевога кайтып, туганнарына булышты, бакчада эшләде. Ул, колхоз янындагы кырны химикатлар белән эшкәрткәнен белмичә, какы җыеп алды. Күрәсең, җил химик матдәләрне очырган, һәм әйләнә-тирәдәге үсемлекләр дә агуланган. Авыр агулану булды. Берничә көн ул үзен начар хис итте, температурасы күтәрелде. Аны ашыгыч рәвештә хастаханәгә озаттылар. Табиблар ахыргача аның тормышы өчен көрәште. Без аны коткарырга тырышкан, өметләрен югалтмаган һәм мөмкин булганның барысын да эшләгән һәркемгә чын күңелдән рәхмәтле. Азамат ике атнаны комада уздырды, ләкин, бөтен тырышлыгына карамастан, аның организмы түзмәде – авыру катлаулана башланды, аның тормыш өчен мөһим органнары эшләми башлады. Бүген ул вафат булды. Ул коллективның йөрәге һәм горурлыгы иде. Без белгән иң якты, игелекле һәм ихлас кешеләрнең берсе. Аның таланты, энергиясе һәм җылысы безнең белән мәңгегә калачак. Урыны ожмахта булһын, Азамат. Аны белгән һәм яраткан һәркемнең, туганнарының, дусларының һәм барлык кешеләрнең кайгысын уртаклашабыз» – дип язган ТГ сәхифәсендә ТР халык артисты Ришат Төхвәтуллин.

«Яшел Үзән» редакциясе коллективы да Азаматның туганнары һәм якыннарының авыр кайгысын уртаклаша. Урыны җәннәт түрләрендә булсын.

Фото: видеодан скрин

Видео: Ришат Төхвәтуллинның ТГ сәхифәсеннән алынды