Кеше күңелен җылыткан игелек
Тормыш һәркемнең дә ал да гөл генә бармый шул. Кемдер муллыкта яшәсә, кайберәүләр һәр тиенен санап гомер итә. Кемдер картлык көнен балаларының кадер-хөрмәтендә үткәрсә, шул ук вакытта ялгызлыктан һәм мохтаҗлыктан җәфа чигүчеләр дә юк түгел. Кызганыч, кайчак аларны күрмибез яки күрергә теләмибез. Чөнки үз мәшәкатьләребез белән мәшгульбез. Әмма ал күзлекне салып, тирә-юньгә игътибар беләнрәк карасаң, тормышның һәрчак без уйлаганча гына бармавын аңлыйсың.
