Күңелемдәгесен әйтәм

«Чәчәкле ишегалды» бәйгесен уздырып, бик дөрес эшлисез. Чөнки райондашларыбызның кайберләре тырышып-тырышып капка төпләрен бизи, чәчәккә күмә. Урамда сыер, сарыклар йөри дип тә аптырамый, ничек тә җаен табып, сетка белән әйләндерәләр, чүлмәкләргә утыртып, биегрәк урынга эләләр. Кыскасы, ун ел дәверендә бу юнәлештә үзгәреш сизелерлек. Шәһәр халкының гына түгел, авыл кешесенең дә матурлыкта яшисе килә. Социаль челтәрләрегездә урнаштырылган фотоларны күреп, сокландым. Ә җиңүчеләрне бик лаеклы бәяләгәнсез, жюри белән тулысынча килешәм.