«Алар белән ничек көрәшергә белмибез»

Сукбай этләр Яшел Үзән районының Олы Ключи авылында яшәүчеләрне сагалап кына тора. Этләр хуҗалыкка керәләр, тавыклар һәм үрдәкләрне буалар. Кешеләр үзләре өчен, бигрәк тә балалары өчен курка. Авыл кешеләре сүзләренчә, берничә ел элек этләр бу кадәр күп күп булмаган, хәзер йортсыз хайваннар артканнан арта бара.

"Без бу этләр белән ничек көрәшергә белмибез, кош-кортларга гына түгел, тиздән балаларга да һөҗүм итә башлаячаклар», - диде җирле халык.