Сәнәгать үсеше фонды (ФРП) төбәк фонды программалары буенча максималь лимитны 300 млн сумга кадәр арттырды. Бу Татарстанда эре инвестицион проектлар өчен яңа мөмкинлекләр ача. ТР Сәнәгать һәм сәүдә министрлыгы район башлыкларына актуаль мәгълүматны җиткерү, уртак эшне җайга салу һәм республиканың барлык муниципаль берәмлекләрендә ФРП катнашуын тәэмин итү өчен муниципалитетлар белән киңәшмә оештырды. Бу хакта ТР Сәнәгать һәм сәүдә министрлыгының рәсми каналы хәбәр итә.
ФРП илдә иң арзан акчаларның берсен тәкъдим итә – еллык 1дән 5%ка кадәр ставкалар. Бу югары үзәк банк ставкасы шартларында да үсәргә мөмкинлек бирүче реаль механизм. Соңгы 5 елда Татарстанда 126 проект 64 млрд сумга финансланды. Республика ФРП акчаларын җәлеп итү буенча Россиянең өч лидеры арасына даими керә.
Беренче министр урынбасары Родион Карпов ярдәмнән файдалану буенча лидерларны атады:
- Яр Чаллы – 35,5 млрд сумга 45 проект;
- Алабуга – 13,5 млрд сумга 25 проект;
- Казан – 3,5 млрд сумга 24 проект;
- Лаеш районы – 2,8 млрд сумга 9 проект;
- Түбән Кама районы – 2,5 млрд сумга якын 6 проект.
ТР Инвестицион венчур фонды директорының беренче урынбасары Азат Фазулов уртак финанслау программаларын тәкъдим итте:
- үсеш проектлары, комплектлаучы әйберләр, хезмәт җитештерүчәнлеге – 300 млн сумга кадәр, еллык 3–5% ставка, 5 елга кадәр срок;
- урман сәнәгате проектлары – 300 млн сумга кадәр, еллык 3–5% ставка, 3 елга кадәр срок.
Өстәп әйтик, хезмәт җитештерүчәнлеге программасы буенча займ «Нәтиҗәле һәм көндәшлеккә сәләтле икътисад» милли проектының «Хезмәт җитештерүчәнлеге» федераль проекты катнашучылары өчен мөмкин.
Нет комментариев