Татарстан табиблары “ватрушка” турында: “Тюбингларда шуганда юл- транспорт һәлакәтендәге кебек имгәнергә мөмкин”

«Бервакыт шундый очрак булды, Горький паркында яшь егет “ватрушка”га утырып шуганда агачка килеп бәрелә. Ул каты җәрәхәтләнә. Шунысын да билгеләп үтәргә кирәк, кайбер очракларда мондый имгәнүләрне юл-транспорт һәлакәтләреннән соң булганнары белән дә чагыштырырга мөмкин,» - дип билгеләп үтте Казанның 7нче шәһәр клиник хастаханәсенең травматолог-ортопеды Булат Зиатдинов.

Бәхетсезлек очракларыннан саклану өчен, медиклар мондый шуу җайланмасында махсус тигез урыннарда гына шуарга тәкъдим итә.