Нәрсәне кайчан чәчәргә?

Сельдерей. Тышка утырту – 25 май. Үсентеләр – 70-80 көнлек булырга тиеш, орлык тишелеп чыгу өчен 15 көнләп вакыт кирәк. 25 февральдән соң чәчәләр.

Татлы борыч. Теплицага утырту – 5 июньдә. Үсентеләр – якынча 70 көнлек булсын, орлык – 12-14 көн дәвамында тишелә. 10 марттан соң чәчәләр.

Иртә өлгерә торган кәбестә. Тышка утырту – 20 майдан соң. Үсентеләр – якынча 50 көнлек, орлык – 5 көн дәвамында тишелә. 15 мартта чәчәргә.

Чәчәк кәбестәсен һәм брокколины шулай ук чәчәргә.

"Чернушка" суган һәм порей. Май уртасында утырталар. Үсентеләр 50 көнлек тирәсе. 15 марттан соң чәчәргә.

Баклажан. Теплицага – 5 июньдә утыртырга. Үсентеләр 50 көнлек чамасы, орлык 12 көн дәвамында тишелә. 1 апрельдә чәчегез.

Томат. Үсентеләр тышка чыгарганда – 45-50 көнлек булсын, орлык 7-8 көн дәвамында тишелә. 1- 8 апрельдә чәчәргә.

Кыяр. Теплицаны техник җылытмыйча гына 25 майдан соң утыртыгыз. Үсентеләр – 25-27 көнлек булсын, орлык 3 көн дәвамында тишелә. 25 апрельдән дә иртәрәк чәчмәгез.

Салат (кәчәнле). 10 июньдә утыртыгыз. Үсентеләр 40 көнлек тирәсе, орлык – 4 көн дәвамында тишелә. 25 апрельдән соң чәчегез.

Кәбестә. Иртә өлгерә торган кәбестәдән соң утыртыгыз. Үсентеләр 40 көнлек тирәсе булсын. Апрель ахырында чәчегез.

Кабак, кабачки, патиссон. 10 июньдә утыртыгыз. Үсентеләр 25-27 көнлек булсын, орлык – 4 көн дәвамында тишелә. 10 майдан соң чәчегез.

Рекомендацияләр Россиянең урта полосасы өлкәсе өчен китерелә.