Яшел Үзән

Кивины кабыгы белән ашарга кирәклеген белә идегезме?

Киви – аз калорияле һәм бик тә файдалы җимеш. Тик аның кайбер күрсәткечләре буенча кабыгы эченә караганда файдалырак булуын бик аз кеше белә.

 Кабыгында бигрәк тә түбәндәге кушылмалар күп:

1. Клетчатка. Ризык эшкәртүгә ярдәм итә һәм кандагы холестерин микъдарын киметә. Ул кивиның кабыгында, йомшагы белән чагыштырганда 50%ка артык.
2. Е һәм С витаминнары. Яраларны һәм җөйләрнең тиз төзәлүенә булыша, тирене матур итә һәм тормыш тонусын күтәрә. Моннан тыш, Е һәм С витаминнары куәтле антиоксидантлар булып тора, ягъни организмда ирекле радикалларны нейтральләштерә. Алар бактерия ләр белән көрәшә, безгә яшьлекне һәм сәламәтлекне сакларга ярдәм итә. Киви кабыгында антиоксидантлар саны эченә караганда күпкә югарырак.
3. Фолий кислотасы. Кәефне һәм эшкә сәләтлелекне күтәрә, кан эшкәртеп чыгаруга ярдәм итә. Ул һичшиксез, яралгының нормаль үсеше өчен, йөклеләрнең рационында булырга тиеш. Киви кабыгында фолий кислотасы йомшагына караганда 32%ка күбрәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: