Кандагы шикәр күләмен киметү өчен иң гади, ләкин иң эффектив рецептлар

• Сөт һәм прополисның спиртлы сыекчасына нигезләнгән дәвалау рецепты: йокларга ятар алдыннан ун көн дәвамында ун тамчы прополис сыекчасы белән ярты стакан җылы сөт эчәргә кирәк. Мондый дәвалау курсы елына ике тапкыр үткәрелергә мөмкин.
• Кефир һәм дарчинга (корица) нигезләнгән дәвалау рецепты: иртәнге ашаудан ярты сәгать алдан 1 стакан кефирга бер чәй кашыгы дарчин кушып эчәргә кирәк. Дәвалану 2 атна дәвам итә.
• Солы суы шикәр күләмен нормалаштыра: бер аш кашыгы солы бөртекләрен бер стакан суга салып уртача утта 15 минут кайнатырга кирәк. Аны сөзеп куегыз һәм өч өлешкә булеп, көн дәвамында ашарга 10 минут кала эчегез.
• Кара карлыган яфракларыннан чәй: кара карлыганның кипкән яфраклары өстенә кайнап торган су коегыз, суынганчы каплап тотыгыз. Аны даими рәвештә кабул итү кан шикәрен нормальләштерә.
• Цикорийга нигезләнгән эчемлек: фәнни тикшеренүләр цикорийның кандагы шикәр күләмен эффектив киметү сәләтен раслады, шуңа күрә кандагы шикәр югарылыгыннан җәфа чигүчеләр диетасына цикорий эчемлеге кертү киңәш ителә.

Зинһар, онытмагыз, халык медицинасы кулланудан тыш, сез дөрес туклану принципларын тотарга тиеш. Артык татлы, майлы һәм тозлы ризыкларны куллануны киметергә кирәк. Туклануга мөмкин кадәр күбрәк тәмләткечләр һәм кузаклылар (борчак,чечевица,кукуруз,фасоль) кертегез. Алар шулай ук кан шикәрен киметү өчен бик яхшы.

omet