Бакча җиләге ашлаганны көтә

Моны апрель урталарында эшлиләр. Бу вакытта җиләккә азотлы тукландыру кирәк. 10 л суга бер шырпы кабы карбамид (мочевина) кушып эретеп сибәргә була. Һәр төпкә 0,5әр л эремә сибәләр.

Беренче чәчәк бөреләре күренүгә, 1 квадрат метрга 1 стакан исәбеннән көл белән тукландырырга мөмкин.
Өченче тукландыру чәчәк ата башлагач башкарыла: 10 л суга 5 г бор кислотасы кушып, өстән сиптерәләр. Ул җиләкнең тәмен яхшырта, бөҗәкләрне куркыта, гөмбәле авыруларны кисәтү чарасы булып та тора.