ЮХИДИ
Норлаттагы янгында ир-ат һәлак була
Бүген иртәнге 06:10 сәгатьтә Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының Татарстан Республикасы буенча Баш идарәсенә Яшел Үзән районы, Норлат авылында, Хәйруллин урамында бүрәнә йорт януы турында хәбәр килеп ирешә.
Иң беренчеләрдән булып урынга Норлат янгынсүндерүчеләре килә. Йорт төтен белән тула, дөрләп яну күренми.
06.39 сәгатьтә бүлмәдә диванда үлгән ир-атның гәүдәсен табып алалар. Һәлак булучының шәхесе билгеләнә.
07.30 сәгатьтә янгын тулысынча сүндерелә. Янгынның беренчел сәбәбе - тәмәке тарту вакытында саксызлык.
Следите за самым важным и интересным в Telegram-каналеТатмедиа
Нет комментариев