Аек башта – аек акыл!

Салмыш баштан, тирә-юнендәгеләрне куркыныч астына куеп, автомобиль руле артына утыручылар саны кимеми. Андыйларны ЮХИДИ хезмәткәрләре планлы чаралары барышында әледән-әле «эләктереп» тора.

Бу юлы тәртип сакчылары тарафыннан туктатылган Нуруллин М.Р. исерек килеш кая барырга уйлагандыр, бәхеткә вакытында тоткарланган. Югыйсә, андый халәттә әллә нинди бәла-казалар китереп чыгару ихтималы бар.
Менә хәзер аңа 1 ел 6 ай «тәпи-тәпи» генә йөрергә туры килә инде. Әле ул гына да түгел, 30 000 сум штраф та түлисе бар. Җитмәсә, моңа кадәр дә РФ КооАП 12нче бүлеге буенча җаваплылыкка тартылган булган.
Үз башыңа проблема эзләп йөрсәң, шулай була инде ул. Аек башка ни җитә!