Яңа елда – яңа сәяхәт

Екатеринбург Ауразиянең үзәк өлешендә, Урал тауларының көнчыгыш битләвендә, Исәт елгасының ике ярында, Мәскәүдән 1667 километр көнчыгыштарак урнашкан. Екатеринбург халык саны буенча Россиянең дүртенче агломерациясе. Халык саны — 2,2 млн кешедән артык. Төньяк шәһәргә 1723 елда нигез салынган.

Сәяхәттән алган тәэсирләр буенча кыс кача нәтиҗә түбәндәгечә:

• Екатеринбург – уңайлы шәһәр. Барлык истәлекле урыннар да кызыл «сызык та» урнашкан һәм бер-берсеннән ерак түгел.
• Диварлардагы граффити күңелемә ятмады. Әлбәттә, бу сәнгать, әмма алар бөтен җирдә күзгә чалынгач, эстетик яктан матур күренми һәм бик чуар.
• Театр һәм актерлар искиткеч. «Служебный роман»ның яңа куелышына бардым – рәхәтләнеп көлдем. Герой Самохваловны аллегорик тискәре персонаж итеп күрсәттеләр, кешелеккә өмет тә калдырмадылар.
• Ельцин үзәгендә Татарстанның беренче президенты Шәймиев Ельцинга бүләк иткән камзул да бар. Һәм әлеге үзәк тарихны өйрәнергә һәм Россиянең беренче Президентына башка күзлектән карарга мәҗбүр итә.
• Екатеринбургтагы кешеләр бик ачык йөзле. Кайвакытта безне кирәк урынга кадәр озатып та куйдылар.

Төньяк шәһәрдә миңа һич кенә дә суык түгел, ә киресенчә, җылы иде! Чөнки тормышымда бу тагын бер онытылмаслык сәяхәт булды! Екатеринбург яраткан шәһәремә әверелде дип әйтә алмыйм. Әмма мин «ТАТМЕДИА» АҖ җитәкчелегенә бу сәяхәтне кылырга мөмкинлек биргән өчен бик рәхмәтле.