Ватанны саклаучылар һәм аларның гаиләләре өчен файдалы була ала торган хокукый мәгълүмат белән уртаклашасыбыз килә

Узган ел ахырында ук хәрбиләргә һәм аларның гаиләләренә кредитлар түләүне кичектерергә мөмкинлек бирүче закон кабул ителде. Ул шулай ук ипотека түләүне вакытлыча кичектерергә мөмкинлек бирә. Авыр бурычлардан азат итү очраклары да каралган. Сүз 2022 елның 7 нояб­рендәге № 377-ФЗ Федераль закон турында бара.

Кредит каникуллары нинди бурычларга кагыла?
Кредит «йомшартулары» теләсә нинди заемнарга һәм кредитларга: банкларга, микрозаймнарга, хәтта мобилизациягә кадәр яки хәрби бурычларны үтәүче оешмалар белән контракт төзегәнче алынган ипотека кредитларына кагыла. Шул ук хокук хәрби бурычларны үтәүче хәрбиләрнең гаилә әгъзалары өчен дә беркетелгән.
Төзәтмә! Гражданнар арасындагы кредитларга ташлама кагылмый.

Кредитны кичектерүне ничек рәсмиләштерергә?
Бурычка алучыга кредиторга килешүдә күрсәтелгән теләсә кайсы ысул белән мөрәҗәгать итәргә кирәк. Мондый ысуллар Россия почтасы, оешманың махсус мобиль кушымтасы аша, электрон почтага җибәрү булырга мөмкин. Гаризагызны теркәп куярга онытмагыз. Чөнки кредиторның аны карамавы мөмкин.
Гаризага махсус хәрби операциядә катнашу турында белешмә теркәргә кирәк. Әгәр гаризаны хәрбинең гаилә әгъзасы бирә икән, бу хәлне раслаучы документ та (никах турында һәм туу турында таныклык) кулланырга кирәк.

Гаризада нәрсә сорарга?
Килешү йөкләмәләрен үтәүне вакытлыча туктатуны сорарга кирәк. Шулай ук айлык түләүләрне киметүне сорап була.
Кредит каникуллары хезмәтнең бөтен чорына һәм тагын 30 көн өстәмә бирелергә тиеш. Закон шулай ук хәрби хезмәткәрне дәвалау вакытына каникулларны озайтуны күздә тота.
Кредитор гаризаны 10 көн эчендә карарга тиеш.
Каникуллар чорына кулланучылар кредитының (займ­ның) тулы бәясенең уртача базар кыйммәтенең 2/3 проценты исәпләнә.

Кредит каникуллары бирүдән баш тарткан очракта нәрсә эшләргә?
Әгәр кредитор законны бозарга хокуклы дип уйласа, ведомствоның рәсми сайты аша Россия Үзәк банкына курыкмыйча шикаять белән мөрәҗәгать итә аласыз.
Бурыч тулысынча юкка чыгарыла торган очраклар
Хәрби хезмәткәр һәлак булган, шулай ук 1нче төркем хәрби инвалидлык билгеләнгән очракта бурыч тулысынча исәптән чыгарылырга тиеш.
Законда ташлама бирү процедурасы шактый ачык язылган. Документлар да күп җыярга кирәкми.