Татарстанда тагын 80 кеше коронавирус белән авырый

"29 кеше хастаханәгә салынган, 51 кеше өйдә дәвалана», — диелә ТР Сәламәтлек саклау министрлыгы хәбәрендә.

Казанда — 28, Чаллыда — 15, Түбән Кама районында — 5, Яшел Үзән районында — 4, Лаешта — 3, Азнакай, Әлки, Әлмәт, Бөгелмә, Алабуга, Зәй, Лениногорск, Саба, Спас районнарында — 2шәр, Апас, Баулы, Балтач, Буа, Биектау, Минзәлә, Тукай районнарында -1әр кеше авырый.

7 октябрьгә республикада 27 554 Covid-19 очрагы теркәлгән.

Барлык вакыт эчендә 23 494 кеше сәламәтләнгән, шул исәптән 39ы-узган тәүлектә.