Татарстан трассасында автобус катнашындагы юл һәлакәтендә зыян күрүчеләрнең хәле турында Сәламәтлек саклау министрлыгында сөйләделәр
Татарстан Сәламәтлек саклау министрлыгында республика трассасында автобус катнашындагы юл-транспорт һәлакәтендә зыян күрүчеләрнең хәле турында мәгълүмат бирделәр.
Элегрәк хәбәр ителгәнчә, 11 июльгә каршы төндә Чирмешән районында «Самара – Яр Чаллы» маршруты буенча йөргән автобус юл читендәге кюветка төшеп капланган. Һәлакәттә 15 кеше, шул исәптән 15 яшьлек кыз бала җәрәхәтләнгән. Юл-транспорт һәлакәте вакытында автобуста барлыгы 46 кеше булган.
ТР Сәламәтлек саклау министрлыгында «Татар-информ»га хәбәр итүләренчә, 6 кеше Әлмәт район күп профильле хастаханәсендә дәвалана. Аларның икесе авыр хәлдә, калганнарында җиңел һәм уртача дәрәҗәдәге җәрәхәтләр. Тагын 3 кеше Лениногорск үзәк район хастаханәсенә салынган. Барлык зыян күрүчеләргә дә кирәкле медицина ярдәме күрсәтелә.
Автор: Алексей Захаров
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев