Казанда суга дип чыгып киткән мәктәп укучысын эзлиләр

“Татар информ” мәгълүмат агентлыгы хәбәр иткәнчә, кыз музыка мәктәбеннән соң су алырга китә һәм кире кайтмый.

Бер версия буенча, яшүсмернең мәктәптә бер укучы белән конфликт булган. Аннан балалар ниндидер «Ата-аналардан кач» уенын уйныйлар икән. Кызның кесә телефоны сүнгән. Әмма, бер төн эчендә телефонын берничә тапкыр кабызып алганнар.

Кызны төне буе эзлиләр, ләкин таба алмыйлар. Бу эшкә полиция хезмәткәрләре дә, якыннары да, «Лиза Алерт " эзләү отряды һәм волонтерлар да керешкән.

Кызның әтисе әйтүенчә, баласын әле дә тапмаганнар.