Яшел Үзән юлларын масштаблы яңару көтә: миллиардлар кая китәчәк?

Юлларга миллиардлар: нәрсәләр эшләнде һәм планда ниләр?

Яшел Үзән районында җирле әһәмияттәге юлларның гомуми озынлыгы — 1122,6 чакрым, һәм алар ел саен тәртипкә китерелә. 2024 елда ремонт һәм төзелешкә, Ш-1 федераль трассасын да кертеп, 6 млрд сум сарыф иткәннәр. Ә 2025 елда эшләр җирле һәм төбәк әһәмиятендәге юлларда тагын да активрак башкарылачак.

Ремонт кайда көтелә?

«Яшәү өчен инфраструктура» милли проекты кысаларында быел 6 км юл ремонтланачак:

• «Норлат-Акъегет»;
• «Карамалы Тау – Албаба станциясе»;
• «Казан – Йошкар-Ола» (Олы Күлбаш – Дөбъяз участогы).

Ләкин бу әле башы гына. Республика программасы буенча түбәндәге эшләр дә дәвам итәчәк:

• Башкала урамын реконструкцияләү;
• Яшел Үзәндә Гоголь урамын ремонтлау;
• Васильево бистәсендә Ленин, Октябрь, Карл Маркс урамнарын төзекләндерү;
• Кече Шырдан авылы урамнарында юллар салу.

Асфальт, тротуарлар һәм ут: тагын ниләр эшләнәчәк?

«Асфальтка асфальт» програм­ма­сына (Зеленодольск, Кара­малы Тау, Норлат, Осиново, Әйшә юлларын ремонтлау)
50 млн сум бүлеп бирелгән.

Тагын 50 млн сумны 8 авыл җирлегендә күчеш тибындагы юллар (ЩПС) салуга тотачаклар.

72,7 млн сум чокырлар, тротуарлар ремонтлауга һәм юлга билгеләр салуга тотылачак.

Район бюджеты юлларны яктыртуга, паспортлаштыруга һәм инфраструктурага 105 млн бирәчәк.

14 авыл җирлегендә һәм Яшел Үзәндә юлларны ремонтлауга 255 млн сум акча тотылачак.

Балалар өчен куркынычсызлык һәм яңа фонарьлар

Аеруча игътибар — мәктәп маршрутларына: юл хәрәкәте кагыйдәләре программасы буенча тротуарлар, махсус юл тигезсезлекләре, җәяүлеләр кичүләре һәм тукталышлар ясауга 15,3 млн сум тотылачак.

Яшел Үзәндә автомобиль хәрәкәте юлларын җәяүлеләр аркылы чыгу урыннарында 40 яктырткыч алыштырылган инде, ә ел ахырына кадәр урамнарны яктырту өчен тагын 400 фонарь куелачак. Гоголь, Жуковский һәм Гайдар урамнарында яктыртуны модернизацияләү карала.

Нәтиҗә:

2025 ел Яшел Үзән районы өчен зур юл үзгәрешләре чоры булачак. Барлык планлаштырылган эшләр вакытында үтәрләр дип өметләник.

Район җитәкчелегенә афәрин – мондый масштабны Яшел Үзән районы күптән күргәне юк иде!