Данил Буранов: безнең концертларда америкалылар "Яшел Үзән!" дип кабатлый

Музыкантлар чыгыш ясаган һәр залда тамашачылар «Яшел Үзән» дип кычкыра. Бу "фишка"ның ничек барлыкка килүе турында Даниил үзе сөйләде.

- Концертны алып баручыбыз, команданың яңа һәм иң яшь катнашучысы булганга мине танытырга карар кылды. Һәм менә ул шәһәрләрнең берсендә мине болай тәкъдим итте: «Бу - Россиянең кечкенә шәһәрчегеннән килгән егет, анда сезнең берегезнең дә, беркайчан да булганы юктыр һәм мөгаен, булмас та. Ул Яшел Үзән дип атала. Әйдәгез, аның туып – үскән шәһәре исемен бергә кабатлыйк», - диде. Тамашачылар да аны хуплады. Бу алымны без репертуарда калдырырга булдык. Хәзер без чыгыш ясаган Американың һәр шәһәрендә тамашачылар кече Ватаным турында беләчәк. Миңа бу бик тә ошый, - ди Данил Буранов.