Бүген 14 сәгатьлек «Мин яратам сине, Татарстан!» дигән телемарафон оештырылачак

Эфирда Татарстанның казанышлары, иҗат кешеләре, иң яхшы гаиләләр һәм республиканың инновацион проектлары турында сөйләшәчәкләр. Телерадиокомпания вәкилләре билгеләп үткәнчә, бу марафон Татарстан Рәисен сайлау көненә багышланып, туган якка мәхәббәт белдерү чарасы булачак.

Марафонны ике пар алып баручы алып барырга тиеш: Ассоль Мөхәммәтҗанова белән Иван Остроумов һәм Светлана Звонарева белән Илдар Кыямов. Тапшыру Миләүшә Таминдарова җитәкчелегендәге Татарстан Республикасы Дәүләт камера хоры тарафыннан «Мин яратам сине, Татарстан» җырын башкару белән башланып китәчәк.

Көн дәвамында ТНВ студиясенә 150гә якын кунак — сәясәт белгечләре, күзәтүчеләр һәм экспертлар чакырылы. Эфирда сайлау участокларыннан репортажлар, сайлауда катнашучылар турында мәгълүмат һәм тавыш бирүнең беренче нәтиҗәләре белән «Яңалыклар» программасының махсус чыгарылышлары булачак.

«Болгар радиосы»ннан, махсус хәрби операция үткәрелә торган зоналардан, Мәскәүдән, республика районнарыннан, шулай ук «Казан» гаилә үзәге янындагы концерттан туры эфир планлаштырылган.

Студиядәге кунаклар арасында Зәйнәп Фәрхетдинова, Рөстәм Асаев, Артур һәм Эльза Исламовларны да кертеп, татар эстрадасы йолдызлары, «Курше фест» конкурсы җиңүчеләре, «ШАЯН ТВ» телеканалының яшь талантлары, хезмәт династияләре вәкилләре, галимнәр һәм мәктәп укучылар коллективлары да булачак.

Өстәвенә, туры эфир вакытында «Татарстан Алга!» дигән фотоконкурсның җиңүчеләре игълан ителәчәк. Катнашучылар арасында 11 iPhone 16 смартфоны һәм ике Sollers ST8 автомобиле уйнатылачак.