Автомобильләрне чыгару һәм кертү кагыйдәләре кырыслана

Үзгәреш
Хәзер транспорт чарасының Россия машиналарының иминлегенә кагылышлы техник регламент нормаларына туры килүен тикшерәчәкләр. Регламент буенча, автомобиль Евро-2дән түбән булмаган дәрәҗәдә экологик стандартка туры килергә тиеш.

Яңа кагыйдәләргә ярашлы, июньнән дус илләрдән (Белоруссия, Казахстан, Әрмәнстан, Таҗикстан, Кыргызстан) автомобильләрне гадиләштерелгән тәртиптә чыгаруны тыячаклар. Россия Сәнәгать һәм сәүдә министрлыгында мондый тыюны 2024 елның 1 февраленә кадәр кертергә тәкъдим иткән.

Шулай ук барлык җиңел транспорт чараларында «ЭРА-ГЛОНАСС» ашыгыч оператив хезмәтләрен чакыру җайланмалары булу-булмавын тикшерә башлаячаклар. Әгәр машинада мондый җайланмалар булмаса, хуҗасына 50 мең сумга кадәр штраф салырга мөмкиннәр.