Рус Әҗәле авыл җирлеге башлыгы Гөлнара Семахина: «Бездә сайлау һәрвакыт актив бара»

– Бездә сайлау һәрвакыт актив бара һәм мин мондый чараларга җитди караганнары өчен һәркемгә рәхмәтле, – ди, Рус Әҗәле авыл җирлеге башлыгы Гөлнара Семахина. – Авылыбызның өлкән кешеләренең берсе Разия апа Ибраһимова да сайлауга килде, аның бер дә тавыш бирми калганы юк. Әле бүген туган көне дә һәм без хөрмәтле авылдашыбызны ихлас күңелдән гомер бәйрәме белән котладык. Разия апа өчен икеләтә бәйрәм кәефе өстәдек. Шушындый рәсми көндә туган көннәрнең дә туры килүе, матур теләкләр бүләк итү, үзебезгә дә күңелле.